ВИДЕО: Масакр во Јужна Африка, 14 луѓе убиени во кафеана
Во пукање во бар во Совето, предградие на Јоханесбург, Јужна Африка, загинаа 14 луѓе, а тројца се во критична состојба, извести полицијата.
Според полициското соопштение, се истражуваат извештаите дека група мажи пристигнале со минибус и отвориле оган врз гостите во барот синоќа, пренесува агенцијата АП.
Тројца тешко повредени, во критична состојба, се пренесени во болница.
🔴SOUTH AFRICA :#VIDEO MASS SHOOTING AT A BAR IN SOWETO TOWN IN JOHANNESBURG!
14 people killed & 3 others in critical condition.
Group of men opened fire on people in the bar on Saturday night#BreakingNews #Soweto #Johannesburg #MassShooting #Tiroteo pic.twitter.com/Yo1saNtg34
— loveworld (@LoveWorld_Peopl) July 10, 2022
„Бројот на куршуми пронајдени на местото на настанот укажува на тоа дека група луѓе пукале во гостите“, рече полицискиот комесар на провинцијата Гаутенг, Елиас Мавела.
Тој додаде дека во моментов ги немаат сите детали за тоа кој би бил мотивот за пукањето.
„Можете да видите дека било употребено огнено оружје со висок калибар и дека било пукано по случаен избор, и дека секој од тие луѓе се мачел да излезе од барот“, изјави Мавела за АП.