ВИДЕО: Лидс едвај до бод, не го отпишувајте Тотенхем од шампионската трка
И во својот трет натпревар сезонава во Премиер лигата Лидс не може да дојде до триумф, клуб кој лани додека настапуваше македонскиот репрезентативец Езџан Алиоски блескаше и имаше одлични резултати.
Денеска играчите на Марсело Биелса само ремизираа 1:1 на гостувањето кај Барнли, а до бод стигнаа пред самиот финиш на средбата.
Домаќините водеа од 61 минута со погодокот на Вуд, а во 86 минута Бамфорд успеа да го спаси својот клуб од пораз.
Тотенхем продолжува без грешка во елитата, овојпат пред своите навивачи со 1:0 триумфираше над Ватфорд.
Стрелец на единствениот гол беше јужнокорејскиот интернационалец Сон Хјунг Мин од слободен удар во 42 минута, во својот јубилеен 200 настап за својот клуб.
На табелата води Тотенхем со девет бодови пред Вест Хем, Челси, Ливерпул и Евертон кои имаат по седум.
Heung Min Son scores a free kick goal on his 200th EPL appearance for Tottenham🇰🇷
— BirdieFootball (@birdiefootball) August 29, 2021