Од почетокот на оваа сезона во НБА лигата, Леброн Џејмс, ѕвездата на Лос Анџелес лејкерс многу почесто се наоѓа во разни скандали.

Еден дел од натпреварите „кралот“ ги пропушти поради повреда, а во дуелите каде што беше на паркетот чести беше магнет за разни инциденти.

Сега Џејмс доби парична казна од 15.000 американски долари бидејќи еден од кошевите, поточно неговата тројка ја прослави со „непримерен гест“, а воедно доби и опомена од страна на првите луѓе на НБА поради интервјуто после натпреварот.

Имено на тој меч две лица од првиот ред на трибините постојано го провоцирале Џејмс, по што тој побарал од судијата да ги отстрани од салата, што беше и направено. Наводно постојано ги навредувале Леброн и неговиот син Брони, а потоа едно од тие лица претера со својот коментар: „Сакам утре син ти да умре во сообраќајна несреќа“.

This @KingJames celebration 😂 pic.twitter.com/lCC1cmEcPh

— Spectrum SportsNet (@SpectrumSN) November 25, 2021

Џејмс на почетокот на сезоната додека стоеше на страна додека изведуваше слободни фрлања, со лакт го удри играчот на Детроит Стјуарт, му ја искрши аркадата, по што Стјуарт побара продолжување на физичката пресметка, но беше спречен во тоа од соиграчите и луѓето од неговиот клуб.