Во рамките од полуфиналето во Купот на Романија екипата на Сепси триумфираше со 0:1 на гостувањето кај Унив. Крајова.

Македонскиот репрезентативец Стефан Ашковски настапи од 80 минута како замена за Стефанеску.

Домаќините со сите сили атакуваа по израмнување, кај нив владееше нервоза, еден од нив ги загуби нервите во еден дуел со Ашковски.

Во тек беше 86 минута, капитенот на Крајова Никушор Силвиу Банку во стилот на Зинедин Зидан (од СП 2006) со глава удри во телото на Ашковски кој падна на теренот и воедно со топка го удри нашиот играч директно во глава.

Играчите од двете екипи мораа да ја смируваат ситуацијата, Банку поради неговиот потег доби црвен картон и предвреме го напушти теренот.

Сепси во романското куп финале на 19 мај во Букурешт ќе ги одмери силите против Волунтари.