Јас не измислувам ништо ново. Јас сум „социјален“ пратеник. Лидер сум на сиромашна партија и мора да ги штитам интересите на таа категорија на граѓани. Поената е да ги извлечеме граѓаните од сиромаштијата. Во Законот за обликациони односни има член во кој јасно пишува дека предметите за наплата на долгови застаруваат за 10 години, но тој член 368 беше недоречен. Јас сега сакам „да му ставам вегета на тој закон“ за тој да биде комплетен. Барам сите побарувања со правосилна судска одлука, со одлука на друг надлежен орган на јавната власт или со порамнување со суд застаруваат за 10 години од денот на нивната извршност, независно што за некој од нив со овој закон или друг пропис е предвиден пократок рок, изјави во Утрински брифинг Самка Ибраимоски.

-Извршителите играат една тактичка игра. Предметите ги држат 9 години и 11 месеци и тогаш ги пуштаат, па потоа земаат камата и се создава хаос. Но со ова сега што го предлагам оправданоста ја гледам во намалување на можностите од алтернативни збогатувања со камати, како и стимулирање на доверителите за поефикасна и побрза реакција, вели Ибраимоски.

Целиот разговор погледнете го во видеото: