ВИДЕО: Јанис и Мидлтон донесоа израмнување во НБА финалето

EPA-EFE/TANNEN MAURY

Милвоки бакс израмни на 2:2 во големото финале на НБА лигата против Феникс санс откако во четвриот натпревар славеше со 109:103.

Потегот на натпреварот го направи Јанис Адетокумпо кој во последната минута го блокира шутот на Деандре Ејтон и тоа кога неговиот Милвоки водеше со два поени разлика.
По блокадата на Јанис, следеше серија од 6:2, а сите поени за Милвоки ги постигна Крис Мидлтон.

Ткму Мидлтон покрај Адетокумпо беше најзаслужен за победата на Милвоки постигнувајќи 40 поени, од кои десет во серија во одлучувачките моменти на натпреварот. Јанис Адетокумпо постигна 26 поени, а имаше и 24 скокови и осум асистенции.

На спротивната страна Девин Букер постигна 42 поени, но поради проблеми со личните грешки во второто полувреме поголем дел помина на клупата и тоа во моменти кога неговиот Феникс пропушти да направи двоцифрена предност.

Видео на денот