ВИДЕО: Историска вечер на трипл-дабл остварувања во НБА
Рекордот од пред неколку дена од пет трипл-дабл остварувања во една вечер не траеше премногу бидејќи утринава дури шест кошаркари остварија вакво остварувања.
Никола Јокиќ, Џејмс Харден, Расел Вестбрук, Домантас Сабонис, Дрејмонд Грин и Бен Симонс дојдоа до трипл-дабл остварувања.
4 days ago, the same day triple-double record was set at 5 players.
Tonight, there were 6:James Harden – 40/10/15
Russell Westbrook – 26/14/10
Domantas Sabonis – 18/11/11
Draymond Green – 16/12/10
Ben Simmons – 13/12/10
Nikola Jokic – 12/10/10Wow. ? pic.twitter.com/ldyxShPsHC
— ClutchPoints (@ClutchPointsApp) March 18, 2021
Џејмс Харден имаше најимпресивен трипл-дабл од 40 поени, 10 скокови и 15 асистенции во натпреварот против Индијана. Кошаркарите на Индијана во последната четвртина се обидоа да го удвојуваат неверојатниот Харден, но тој во тие моменти им постигна 14 поени и имаше шест скокови, а неговиот тим го доби последниот период со 11 поени разлика. Кај Индијана, трипл-дабл оствари Домантас Сабонис со 18 поени и по 11 скокови и асистенции.
Главен играч во победата на Голден Стејт над Хјустон од 108:94 изненадувачки не беше Стеф Кари, туку Дрејмонд Грин кој имаше учинок од 16 поени, 12 скокови и 10 асистенции.
Никола Јокиќ не беше расположен за постигнување поени, но сепак одигра одлично за Денвер кој со 129:104 го совлада Шарлот. Јокиќ имаше учиник од 12 поени, 10 скокови и асистенции и го оствари 51. трипл-дабл во кариерата.
Од кошаркарите кои не остварија трипл-дабл, најимпресивна партија прикажа Лука Дончиќ кој речиси сам го победи ЛА Клиперс. Дончиќ постигна 42 поени во победата на Далас од 105:89 над Клиперси.
Резултати:
Детроит – Торонто 116:112
Индијана – Бруклин 115:124
Филаделфија – Милвоки 105:109
Вашингтон – Сакраменто 119:121
Чикаго – Сан Антонио 99:106
Кливленд – Бостон 117:110
Хјустон – Голден Стејт 94:108
Денвер – Шарлот 129:104
Мемфис – Мајами 89:85
Далас – ЛА Клиперс 105:89