Фудбалерите на Манчестер сити се пласираа во полуфиналето на ФА купот, откако во четвртфиналниот натпревар на домашен терен го совладаа Барнли со 6:0.

Нова одлична партија имаше Норвежанецот Ерлинг Халанд кој после петте голови против Лајпциг во Лигата на шампионите, запиша хет-трик.

Халанд стрелаше во 32, 35 и 59 минута од средбата, а погодоци запишаа и Хулиан Алварес во 62 и 73, и Кол Пламер во 68 минута.

Во недела ќе се играат останатите три мечеви од четвртфиналната фаза во ФА купот.

Паровите се Брајтон – Гримсби, Шефилд јунајтед – Блекбурн и Манчестер јунајтед – Фулам.