Новак Ѓоковиќ во интервјуто за „Tennis Channel“ зборуваше за враќањето од Австралија и за тешкотиите по сè што се случи. Најдобриот светски тенисер помина низ „пекол“ во Мелбурн, а како што вели, сето тоа оставило последици, колку и да се трудел сè да остави зад себе.

– По враќањето од Австралија, морам да признаам, можеби ја потценив емоционалната состојба во која се наоѓав. Си помислив, знаеш, добро, јас сум надвор од Австралија, тоа е тоа. Што се случи, се случи. Но, во месеците што следеа, почувствував дека емоционалните и менталните траги од она што се случува таму сè уште се присутни.

Дури во последните неколку недели почнав да излегувам од тоа и да користам сè што се случи како позитивна енергија. Никогаш во животот не сум се соочил со такви околности, тоа си го зеде данокот психички и емоционално. Се обидов на секој следен турнир да му пристапам како и на секој друг, но сфатив дека не е така лесно да се ослободи од сè, од тоа чувство.

Не знам, тешко е да се објасни. Го немам вистинскиот збор, но се чувствувам како нешто да ме кочи. Особено на првите турнири – рече Ѓоковиќ.

Српскиот ас моментно настапува на Мастерс турнирот во Мадрид (Шпанија) каде во четвртфиналето денеска треба да ги одмери силите против Полјакот Хурберт Хуркач.

World No. 1 @DjokerNole opens up about how his mindset has changed since the beginning of this year.

Full interview 👉 https://t.co/QkMHMBNrZ4#TCLive | #MMOPEN pic.twitter.com/3qFYkoJNrC

— Tennis Channel International (@TennisChanneli) May 5, 2022

Познато е кога Ѓоковиќ ќе игра на „Австралија опен“ доколку добие дозвола од судот