ВИДЕО: Германија „преживеа“ во Минхен, Роналдо е синоним за рекорди!
Вечерва и официјално заврши групната фаза на Европското првенство со последните натпревари од групата „Ф“, доста ефикасно со многу голови, Португалија ремизираше 2:2 со Франција, а со истиот резултат заврши и мечот Германија – Унгарија.
На стадионот во Будимпешта поведоа Португалците со голот на Роналдо од пенал во 31 минута, а со иста мера возврати Бензема непосредно пред паузата (45+2`).
На стартот од вториот дел Бензема по вторпат се запиша во листата на стрелците, а Роналдо во 60 минута повторно беше прецизен од белата точка.
На стадионот во Минхен исто така беше драматично, Унгарците изненадувачки во 11 минута дојдоа во предност со голот на А. Шалаи. Израмни Хаверц во 66 минута по додавањето на Хумелс, но радоста на Германците траеше само 120 секунди, бидејќи Шафер ја врати Унгарија во позитива. Вториот погодок за Германците го реализираше Горецка во 84 минута на „Алијанц Арената“.
Роналдо е дефинитивно „синоним“ за рекорди, откако на стартот од ЕП го престигна славниот Мишел Платини и стана најдобар стрелец во историјата на континенталните шампионати, со вечерашните погодоци надмина уште еден рекорд.
Сега го надмина и легендарниот Мирослав Клосе и стана играч со најмногу голови на големите натпреварувања (Светско првенство и Европско првенство). Португалецот има 21 гол, а Клосе остана на 19.
Воедно Роналдо го израмни рекордот на иранскиот фудбалер Али Даеи по бројот на голови за националната репрезентација. Двајцата имаат по 109 постигнати голови за своите репрезентации, а можно е наскоро Роналдо да биде најдобар и во оваа статистика.
🔝 All-time top international goalscorers:
⚽️1⃣0⃣9⃣ Ali Daei 🇮🇷
⚽️1⃣0⃣9⃣ Cristiano Ronaldo 🇵🇹 #EURO2020 pic.twitter.com/NRx7rCLqMC— UEFA EURO 2020 (@EURO2020) June 23, 2021
Евро 2020
Група „Ф“
3. коло, резултати –
Германија – Унгарија 2:2
Португалија – Франција 2:2
Конечна табела:
1.Франција 4:3 5 бодови
2.Германија 6:5 4
3.Португалија 7:6 4
4.Германија 3:6 2