Силна експлозија се случила во петкатна станбена зграда во рускиот град Набережние Челни, на околу 930 километри источно од Москва, соопштија денеска итните служби.  

Дел од зградата е оштетена, а според руската агенција Интерфакс, повикувајќи се на неименувани извори, можно е неколку луѓе да биле заглавени под урнатините, пренесува Ројтерс.  

Explosion partially destroyed residential house in Naberezhnye Chelny, Tatarstan. There are casualties https://t.co/5tXdgT27KT pic.twitter.com/xb6VlWhQkz

— Liveuamap (@Liveuamap) October 25, 2021

Интерфакс и руската агенција ТАС наведуваат, повикувајќи се на неименувани извори, дека е можно истекувањето на гасот да е причина за експлозијата.  

Четири лица се повредени денеска откако гасот експлодирал во станбена зграда во Набережние Челни, во руската република Татарстан, изјави за ТАС извор од безбедносните служби.  

„Според прелиминарните информации, 32 лица беа евакуирани. Четири повредени лица беа спасени и предадени на медицинскиот тим”, додаде изворот. 

Спасувачите веруваат дека неколку луѓе останале под урнатините. Се наведува дека едно лице е извлечено. Експлозијата го зафатила четвртиот и петтиот кат од станбената зграда, а Министерството за вонредни ситуации смета дека експлозијата била предизвикана од истекување на гас. Најмалку шест станови се оштетени во експлозијата. 

Emerging: Multiple buildings damaged after apparent explosion at multi-story apartment building in Naberezhnye Chelny, Russia pic.twitter.com/91pelZL029

— Factal News (@factal) October 25, 2021