Англиската актерка и пејачка Суки Вотерхаус (31) откри дека е бремена со своето прво дете, за време на нејзиниот синоќешен настап на музичкиот фестивал „Корона капитал“ во Мексико Сити.

„Денеска решив да облечам нешто светкаво бидејќи мислев дека тоа може да го одвлече вниманието од нешто друго што се случува“, рекла ѕвездата на телевизиската серија „Дејзи Џонс енд Д сикс“ („Daisy Jones & the Six“) на сцената, покажувајќи кон својот стомак, како што се гледа на видеото објавено на социјалните медиуми.

Додека толпата ја бодрела, таа низ смеа рекла: „Не сум сигурна дали работи“.

“I decided to wear something practically sparkly today to try to distract you from something else thats what’s going on. I’m not sure if it’s working”

WE ALL KNEW BUT ITS OFFICIAL NOW, She’s SO MOTHER!🥰✨🤍 pic.twitter.com/xGEZHbQume

— dose of suki waterhouse (@doseofsuki) November 19, 2023

Вотерхаус е во врска со ѕвездата на филмскиот серијал „Самрак“ („Twilight“) – Роберт Патинсон повеќе од пет години, но пејачката не го спомна својот партнер додека беше на сцената во неделата. Двојката е романтично поврзана откако првпат беа забележани заедно во Лондон во 2018 година, и оттогаш ја чуваат приватноста за себе.

Своето деби на црвениот тепих како двојка го имаа минатата година на ревијата на „Диор“ во Египет, речиси пет години откако ја започнаа врската. Вотерхаус зборуваше за Патинсон во интервју за „Тајмс“ во февруари годинава, велејќи дека е „шокирана“ што била „толку среќна со некого речиси пет години“.

„Секогаш сум неверојатно возбудена кога ќе го видам неговото име на мојот телефон и мислам дека тој го чувствува истото за мене“, рече таа тогаш, додавајќи: „Секогаш имаме толку многу да кажеме и го сметам за многу смешен“.