ВИДЕО | Д-р Даниловски: Кај делта-сојот предоминираат симптоми на обична настинка

Фото: МИА

Во своето вчерашно гостување во Дневникот на ТВ Сител, епидемиологот проф. д-р Драган Даниловски зборуваше за симптомите на новиот делта-сој и за тоа кога е потребно граѓаните да побараат медицинска помош.

– Интересно кај делта-сојот е дека многу умешно си направи една мимикрија за да не биде препознаен, се измаскира во однос на алфа-сојот и на оној класичниот тип од Вухан. Со тоа што овојпат кај делта апсолутно предоминираат симптоми на обична настинка – главоболка, болка во грлото и течење на носот. Она што беше класика за алфа – кашлица, губење на мирис и вкус итн. некако се повлекоа во заден план, објаснува д-р Даниловски.

Според д-р Даниловски, кога станува збор за делта-сојот, нема начин да се направи разлика меѓу ковид-19 и обична настинка и тоа може да се провери само со тестирање.

– Препорачливо е ако се појават вакви симптоми, и уште згора на сѐ се појави зголемена телесна температура, тој што ќе го искуси тоа да не шета безгрижно наоколу, туку да си направи тест и додека го чека резултатот да си остане дома. Како и досега, лицето треба да побара медицинска помош ако се појави упорно покачена температура, отежнато дишење, тешка малаксаност итн., препорачува д-р Даниловски.

Д-р Беќаровски до колегите: Разладите се во солена/слатка/кисела вода во следниве 10 дена, а потоа повторно „ќе пливаме“ во сопствената пот

Видео на денот