Видеото е објавено од „Телефут“ кое ги зачуди љубителите на фудбалот ширум светот. Реал Мадрид извлече бод против Борусија Менхенгладбах во второто коло од групата „Б“ од Лигата на шампионите.

„Кралскиот“ клуб губеше со 2:0 до 87 минута и беше на прагот на вториот пораз во најсилното европско натпреварување. Но, на крајот од натпреварот успеа да постигне два гола и да го освои првиот бод во новата сезона.

Како ден е јасно дека нешто не е во ред оваа сезона во Реал. Видеото што се појави по мечот со Борусија потврдува дека меѓусебните односи во тимот се далеку од идеални.

Caralho minha admiração pelo Benzema acabou e o meu ódio pelo mendy mais ainda, bando de babaca como Vinicius jr. pic.twitter.com/VXlMjBWjvn

— Pedro 😀 ?? (@Pedroo17br) October 28, 2020

Имено, „Телефут“ објави снимка на која се слуша разговорот на играчите од тунелот на полувремето од мечот. Фудбалерите на Реал чекаа да излезат на терен и да разговараат, а главниот збор го водеше Французинот Карим Бензема.

– Дајте ја топката на мене, а не на него (Винисиус). Тој игра против нас – му рече Бензема на збунетиот Менди.

Винисиус Јуниор честопати имаше проблеми со реализацијата во последно време, па неговите соиграчи очигледно го избегнуваат. Истиот случај е со Лука Јовиќ. Српскиот напаѓач ретко добива шанса, а кога ќе ја добие, скоро и да не ја допира топката. Сега е јасно зошто.

Бензема и Каземиро го спасија Реал од нов срам во ЛШ (ВИДЕО)