Бензема и Каземиро го спасија Реал од нов срам во ЛШ (ВИДЕО)

epa08779228 Moenchengladbach's Matthias Ginter (L) in action with Real Madrid's Karim Benzema (R) during the UEFA Champions League group B soccer match between Borussia Moenchengladbach and Real Madrid at Borussia-Park in Moenchengladbach, Germany, 27 October 2020. EPA-EFE/SASCHA STEINBACH

Реал Мадрид со гол во четвртата минута од судиското продолжение успеа да се спаси од пораз во второто коло од ЛШ.

Реал Мадрид благодарение на Каземиро одигра 2:2 на гостувањето кај Борусија Менхенгладбах, а германскиот тим до 87. минута имаше предност од 2:0. Борусија поведе со головите на Турам, а Реал Мадрид успеа да се спаси од втор пораз во ЛШ сезоната и тоа во самиот финиш.

Прво Бензема во 87. минута намали на 2:1, а Каземиро во 94. минута беше најприсебен пред голот на Зомер и му донесе бод на својот тим.


Од пораз и негатива од 0:2 се спасуваше и Аталанта во дуелот со Ајакс, но италијанскиот тим работата ја заврши многу порано. Холандскиот тим со головите на Тадиќ и Траоре во првиот дел имаше водство од 0:2, но на почетокот од второто полувреме, Дуван Запата со головите во 54. и 60 минута донесе израмнување и ја спаси Аталанта од пораз.


Останатите фаворити остварија победи, Атлетико Мадрид со голот на Жоао Феликс во 85. минута го совлада Салцбург со 3:2, Ливерпул со 2:0 го победи Митјиланд, а Манчестер сити со 0:3 славеше на гостувањето кај Олимик Марсеј.

 

Група А
Локомотив М. – Баерн М. 1:2
Атлетико М. – Салцбург 3:0

Група Б
Шахтјор – Интер 0:0
Б. Менхенгладбах – Реал М. 2:2

Група Ц
Марсеј – Манчестер С. 0:3
Порто – Олимпијакос 2:0

Група Д
Ливерпул – Митјиланд 2:0
Аталанта – Ајакс 2:2

Видео на денот