Фудбалерите на Баерн Минхен го совладаа Мајнц на Алијанц арената со 6:2 во 12 коло од Бундес лигата.

Во петтата минута предност за баварскиот гигант донесе Гнабри, за 2:0 во 28 минута се погрижи Мусиала.

Во 43 минута Мане не беше прецизен од пенал, но веднаш се поправи во следниот момент. Нешто слично пред крајот на првото полувреме се случи и на спротивната страна, Буркард не постигна гол од белата точка, но Видмер реагираше во прав момент и намали на 3:1.

Горецка се запиша во листата на стрелците во 58 минута за 4:1, по асистенцијата на Сабицер во 79 минута петтиот погодок на домашната екипа го реализираше Тел. За 5:2 во 8:2 минута стрелаше Ингвартсен, а конечниот епилог го постави Чупо-Мотинг.

На табелата Баерн е на првото место со 25 бодови, додека Мајнц после четвртиот пораз се наоѓа на осмата позиција со 18 бодови. Во другите денешни мечеви: Лајпциг – Баер Леверкузен 2:0, Штутгарт – Аугсбург 2:1 и Волфсбург – Бохум 4:0.