Силна експлозија одекнала во Загреб синоќа околу 23 часот, на која и претходел пад на објект од воздух, потврди полицијата.

И покрај целосната информативна блокада  за тоа што се случило, според првичните информации се работи за објект, беслиплотно летало дрон од украинско потекло кое започнало да паѓа од небото и со помош на два падобрани паднал во загребската населба Јарун по што одекнала силна експлозија. Освен вознемиреност нема жртви, ниту повредени.

Според очевидци, урнатотото летало направило кратер од 3 метра на местото на падот.
Делот на Загреб каде се наоѓа оваа населба како и крстосниците кои водат кон местото утринава се затворени.

Иако првично се шпекулираше дека се работи за руско беспилотно летало, последните информации укажуваат дека паднатиот дрон бил украински, а на него била забележана црвена ѕвезда петокрака и натпис на руска ќирилица. Токму овој натпис ги подгреа шпекулациите дека можеби урнатиот воздухоплов е руски.

Сепак хрватските власти потврдија дека се работи за беспилотно летало Тупољев 141 на украинските воздухопловни сили.

Засега , останува мистерија која била целта на ова воено летало , како и тоа како поминало низ воздушниот простор на неколку држави за да стигне до хрватската претсолнина. Се поставува и прашањето како ова летало не било регистрирано од НАТО радарите кои се одговорни за одбрана на небото на НАТО земјата членка Хрватска.

Пред се тамошната јавност засега е вознемирена, а властите истражуваат за можните мотиви и цели на ова летало, кое барем засега е нејасно што барало во хрватскиот воздушен простор.

Коинциденција или не, населбата во Загреб каде се урна дронот  се вика Јарун, а во Украина постои град кој го носи истото име. Одалеченоста на Украинскиот град  Јарун од загребската населба Јарун изнесува  1004 километри воздушна линија.

Ако се земе во предвид , судејќи според податоците достапни на интернет, беспилотното летало од советско потекло кое падна во Загреб,  Ту-141 има максимален дострел од 1000 километри. Овие податоци првично би можеле да ја објаснат причината за уривањето на дронот.

Сепак останува прашањето која била целта и задачата на дронот во хрватскиот воздушен простор и како радарите на НАТО не го регистрирале неговиот прелет.