Ватикан ја зајакнува кампањата за вакцинација против ковид-19 за некои од најмаргинализираните заедници во Рим и обезбедува вакцини за 1.200 сиромашни локални жители.

Кампањата за вакцинација следеше во почетната имунизација на бездомници од страна на ватиканската здравствена служба, користејќи некои од дозите на „Фајзер“/„БајонТек“ кои државата Ватикан ги купи за папата, вработените во Ватикан и нивните семејства.

Хуманитарната канцеларија на папата Франциск, исто така, прима донации преку својата веб-страница за набавка на повеќе вакцини за сиромашните. Канцеларијата обезбедува и други видови хуманитарни активности, како што се обезбедување средства за лична хигиена и користење услуги од берберница за бездомниците.

Во денешното соопштение, Канцеларијата наведува дека папата Франциск повикал сите да се вакцинираат, бидејќи тоа е „колективна придобивка”. Поглаварот на Римокатоличката црква, исто така, побара најранливите групи во општеството да имаат приоритет, бидејќи тие се едни од најизложените на вирусот и имаат најголеми пречки за пристап до медицинска помош доколку се разболат.