Уште два гола му се потребни на Роналдо (ФОТО)
Португалскиот фудбалер Кристијано Роналдо во четвртокот дојде до 98 голови во репрезентативната кариера. Со својата селекција ја совлада Литванија во претпоследното коло од квалификациите за ЕУРО 2020, беше стрелец на три голови.
Фудбалерот на Јувентус би можел в недела против Луксембург да дојде до јубилејни 100 погодоци, доколку двапати се запише во листата на стрелците.
International goals ranking
1. Ali Daei 109 ⚽️??
2. Cristiano Ronaldo 98 ⚽️??
3. Ferenc Puskás 84 ⚽️??
18. Lionel Messi 68 ⚽️?? pic.twitter.com/IaS343Njxv— Glint Football (@GlintFootball) November 15, 2019
– Ништо не ме изненадува кога е во прашање Кристијано. Никогаш не сум се сомневал во него, тоа го правеле и други луѓе – рече селекторот на Португалија, Фернандо Сантош.
Рекордер по бројот на голови за национална репрезентација е Али Даеи од Иран кој за репрезентацијата постигна 109 голови, само 11 повеќе од Роналдо.
Доколку Португалија триумфира против Луксембург дефинитивно ќе се пласира на континенталниот шампионат. Може и со реми, но само доколку Србија не слави дома над Украина.
