Од вчера на Универзитетската клиника за детски болести и на Универзитетската клиника за пулмологија уште четворица пациенти со цистична фиброза започнаа со примање на терапијата Kaftrio во комбинација со Kalydeco, познатa како „Трикафта“.

Како што информира в.д. директорката на Клиниката за детски болести, д-р Стојка Фуштиќ, терапијата се дава на пациенти со цистична фиброза кои имаат шест и повеќе години и барем една F508del мутација во генотипот.

Во услови кога не е обезбедена терапија со Kaftrioза сите пациенти со цистична фиброза кои ги исполнуваат критериумите за истата-околу 80, предност за терапија им даваме на пациентите со полоша белодробната функција изразена преку FEV1 (форсиран експираторен волумен во првата секунда). Договорот за тоа кои пациенти ќе бидат вклучени е помеѓу докторите од двете клиники кои се одговорни за лекување на пациентите со цистична фиброза, вели д-р Фуштиќ.