Повеќе од 3.000 летови во САД се откажани или одложени поради ураганот Милтон.

„Досега се откажани 1.904 летови до или од САД, додека 1.160 летови се одложени“, се наведува на веб-страницата „Flytaver“.

На меѓународниот аеродром во Орландо откажани се повеќе од 800 летови или околу 90 отсто.

Веб-страницата наведува дека меѓународниот аеродром во Тампа регистрирал речиси 400 откажувања, додека 190 летови биле откажани во Мајами.

Ураганот „Милтон“ се очекува доцна вечерва или утре наутро по локално време да го погоди западниот брег на Флорида, но според последните извештаи, бурата загубила дел од силата и сега е во третата категорија. Опасноста и натаму е сериозна, велат метеоролозите.

Според Националната метеоролошка служба на САД, Флорида ќе ја погодат обилни врнежи од дожд и оркански ветришта и пред ураганот да стигне до копното.