Европската фудбалска унија потврди дека на учесниците на претстојното Европско првенство ќе им биде дозволено да го применуваат правилото за пет замени во текот на натпреварите.

На овој начин, УЕФА го усвои правилото што веќе го воведе ФИФА и го применува во квалификациите за СП, до март 2022 година.

Пет замени ќе бидат дозволени и за финалето во Лигата на нации во октомври и плејофот следниот март. УЕФА објави дека правилото останува важечко се додека пандемијата на коронавирусот влијае на мечевите и натпреварувањата.

? ? CONFIRMED: Up to five substitutions will be allowed at #EURO2020 and the 2021 #NationsLeague finals and relegation play-outs.

The reasons for the temporary five-sub rule remain valid and it is already in place for the #WCQ that run until March 2022.

Full info: ?

— UEFA (@UEFA) March 31, 2021

Правилото за зголемување на бројот на заменети играчи од три на пет беше донесено за време на борбата против коронавирусот со цел да се заштитат играчите од потенцијални повреди кога натпреварите продолжија по паузата предизвикана од ковид-19.

Потсетување дека на ЕП ќе настапи и најдобрата македонска репрезентација која е во група со Австрија, Украина и Холандија.