Учениците од ООУ „Димитар Македонски“ конечно ќе се вратат во училишните клупи
Учениците кои досега следеа онлајн настава поради немање на соодветен училишен објект веќе од второто полугодие на оваа учебна година ќе започнат да следат настава со физичко присуство во новиот училишен објект на училиштето „Димитар Македонски“ во Општина Аеродром.
Долго време го очекувавме моментот да влеземе во училиштето и да започнеме со еден нормален процес на настава и од второто полугодие ќе почнеме со воспитно образовна работа согласнио протоколите во новиот училишен објект. Станува збор за целосно нов објект. Стариот објект на училиштето е целосно срушен. Капацитетот на новиот училишен објект е за околу 700 ученици кои ќе функционираат во две смени – истакна директорката на ООУ „Димитар Македонски“ Јулијана Тодоровска која дообјасни дека во моментов во училиштето има 550 ученици.
Инаку, училиштето е изградено на местото на стариот објект кој беше урнат. Оставена беше само спортската сала која е реновирана.
После неколку години градба, во второто полугодие учениците ќе можат да го стартуваат образованието со физичко присуство во ова ново училиште – истакна министерката за образование и наука Мила Царовска.