Убедлива победа: Џонсон го освои мнозинството на парламентарните избори во Велика Британија
Според првичните резултати од излезните анкети, Конзервативната партија на Борис Џонсон освои мнозинство гласови на денешните вонредни парламентарни избори во Велика Британија.
Конзервативците освоија 368 мандати, додека Лабуристичката партија на Џереми Корбин – 191.
— Conservatives (@Conservatives) December 12, 2019
Околу 46 милиони Британци вчера гласаа за новиот состав на Долниот дом на Парламентот, кој има 650 пратеници.
Избирачките места беа затворени во 22 часот по локално време.
Со ваков резултат, Борис Џонсон ќе може сам да формира влада, што ќе му овозможи да го забрза брегзитот.
На последните пет национални избори, само една излезна анкета предвиде погрешен резултат – во 2015 година кога се чинеше дека Британија ќе добие „неизвесен парламент“, односно малцинска или коалициска влада, но всушност тогаш конзервативците го освоија мнозинството, добивајќи 14 пратеници повеќе отколку што покажаа предвидувањата.
