Екипата на Шкендија оствари убедлив триумф од 4:1 против „лавовите“ и повторно има едноцифрена негатива во однос на лидерот Вардар. Тетовчани го искористија киксот на Вардар кој вчера ремизира со Работнички и со новите три бода дојдоа на минус осум во однос на скопските „црвено-црни“.

Гол серијата во Тетово ја отвори Омар Имери во 39.минута, а во второто полувреме, во 58. минута Македонија ЃП преку Ален Јашаровски кој беше прецизен од ударот од белата точка успеа да израмни на 1:1.

Но, тоа беше се што направија „лавовите“, бидејќи само две минути подоцна, Незири донесе ново водство за Шкендија. До крајот, тетовчани со головите на Имери и на Зејнулаи ја завери победата.

Атрактивен натпревар со пет гола се одигра и во Чаир, каде на крајот Ренова со 2:3 го совлада Шкупи.

Шкупи поведе преку Сержињо во 24.минута, а Ренова во самиот финиш на првиот дел направи пресврт со головите на Кадриу и Адеми. Во второто полувреме, во 65. минута Кадриу со својот втор гол донесе предност од 1:3, а се што домашните фудбалери успеаја да направат беше да го ублажат поразот преку Сержињо во 80. минута.

Тотално спротивна слика беше во Струмица каде Академија Пандев и Борец ремизираа играјќи без голови.

Резултати 21.КОЛО:
Шкендија – Македонија ЃП 4:1
Шкупи – Ренова 2:3
Академија Пандев – Борец 0:0
Вардар – Работнички 0:0
Струга ТЛ – Силекс0:0

Табела:
1. Вардар 43
2. Шкендија 35
3. Силекс 32
4. Македонија ЃП 29
5. Академија Пандев 28
6. Шкупи 25
7. Струга ТЛ 25
8. Ренова 25
9. Работнички 22
10. Борец 21