Уапсен убиецот од Глумово
Довчерашниот бегалец од правдата е обвинет за кривично дело убиство.
После една година полицијата го откри убиецот кој на втори март лани на локалниот пат меѓу скопските села Шишево и Глумово, со полуавтоматски пиштол уби познаник, а се обиде да убие уште еден, но за среќа не успеал. Уапсениот е обвинет за кривично дело убиство.
„Осомничениот со својот автомобил го пресретнал автомобилот во кој се наоѓале двајцата оштетени заедно со уште едно лице – сведок на настанот и започнал вербална расправија.
Во момент кога еден од оштетените започнал да се враќа кон своето возило за да влезе, обвинетиот му се приближил на кратко растојание и испукал кон него еден проектил од пиштолот, нанесувајќи му тешка телесна повреда во вид на огнострелна рана во пределот на главата.
Потоа тргнал да се пресмета и со вториот оштетен. Сведокот се попречил меѓу нив, но обвинетиот му наредил да се тргне. За тоа време, оштетениот започнал да бега, па обвинетиот се стрчал и испукал повеќе проектили кон него, нанесувајќи му две огнострелни повреди.
Како последица на овие повреди, оштетениот починал непосредно по приемот во болница. По настанот, обвинетиот се дал во бегство и една година беше недостапен на органите на прогонот“ велат од МВР.