Туск предупредува: Излегувањето на Полска од ЕУ станува реална закана
Премиерот на Полска Доналд Туск предупреди дека можноста земјата да се повлече од Европската Унија веќе не е само теоретска, туку реална и непосредна закана за државата. На неговиот профил на платформата „Икс“, Туск директно ги обвини радикалните националистички сили и десничарските партии во опозиција дека ја туркаат земјата кон т.н. „Полегзит“.
Препорачано
Polexit to dzisiaj realne zagrożenie! Pragną go obie konfederacje i większość PiS. Nawrocki jest ich patronem. Rozwalić Unię chcą: Rosja, amerykańska MAGA i prawica europejska z Orbanem na czele. Dla Polski byłaby to katastrofa. Zrobię wszystko, żeby ich powstrzymać.
— Donald Tusk (@donaldtusk) March 15, 2026
„Ова веќе не е само политика на зборови. Полегзит е вистинска опасност денес“, истакна Туск, посочувајќи го претседателот Карол Навроцки како клучен актер кој ја застапува оваа ориентација.
Според него, најекстремните крила на политичката сцена, вклучително сојузот Конфедерација и дел од пратениците на владејачката партија Право и Правда „ПиС“, систематски работат на слабеење на позицијата на Полска во ЕУ.
Премиерот ја поврза оваа стратегија со странски влијанија од Русија, преку екстремното американско крило МАГА (MAGA), до десничарските европски лидери предводени од Виктор Орбан, истакнувајќи дека целта на овие сили е дестабилизација на Унијата и постепено ослабнување на Полска.
Дополнителен ризик, според Туск, носи и неодамнешното вето на Навроцки на важен закон за одбранбено финансирање, кој требаше да обезбеди 43,7 милијарди евра поволни кредити од ЕУ.
Премиерот предупреди дека без доволен број гласови во парламентот за поништување на ветото, земјата се соочува со сериозни предизвици во финансирањето на воените расходи, кои се предвидени да достигнат речиси 5% од БДП оваа година.
Политичката критика кон националистичката десница продолжи и од поранешни членови на владејачката партија. Конрад Шимански, поранешен европски министер од ПиС, во колумна во петокот предупреди дека Полска ризикува да тргне по „патот кон Полегзит“, слично на британскиот „Брегзит“ од 2016 година, пишува Политико.
