Турција ќе биде домаќин на самитот на високо ниво на Обединетите нации за климата следната година, додека Австралија ќе ги координира владините преговори во нејзини рамки, врз основа на компромисен договор што го објави денес австралискиот премиер Ентони Албанезе.

Двете земји, кои бараа да бидат домаќини на самитот од 2022 година и одбија да се откажат, првично постигнаа договор за организирање на КОП31 во Турција и подготвителни разговори во Пацификот и во Австралија, при што втората ќе претседава со преговорите, објасни Албанезе.

„Она до што дојдовме е голема победа за Австралија, како и за Турција“, изјави премиерот за јавното радио ABC.

Двете земји сега имаат една година да се подготват за самитот.