Коронавирусот не ги штеди младите пациенти. Триесет и четиригодишник е приклучен на респиратор во ГОБ „8 Септември“ со тешка клиничка слика од Ковид 19.

Како дополнителен ризичен фактор за овој млад човек е и тоа што има прекумерна телесна тежина. Состојбата му е критична со пневмонија а во болницата е хоспитализиран пред 5 дена, на 11 јули.

Во изминатото деноноќие во ковид центарот на оваа болница, се примени седуммина пациенти, а испишани на домашно лекување се двајца.

Изминатата ноќ починал еден пациент позитивен на Ковид 19 на возраст од над 60 години.

Директорот на ГОБ 8 Септември, доктор Христијан Костов вели дека во моментов во болницата има 94 позитивни пациенти кои се хоспитализирани. Од нив на респиратор се шестмина а двајца на сипап поддршка.