Три девојки од Србија се уапсени вчера во Германија под сомнение дека упаднале во стан во Хамбург, украле сеф тежок повеќе од 100 килограми и од него одзеле вредни предмети.

Полицијата тргнала во потера по нив откако еден од станарите во зградата пријавил дека три жени речиси го собориле додека бегале од местото на злосторството.

Сведокот слушнал бучава од станот на соседот и отишол да провери што се случува. Следниот момент, три жени трчале во негова насока и побегнале од зградата.

Полицијата во големаат потера по трите девојки вклучила и полициски хеликоптер. На крајот полицијата успеале да го запре возилото „пасат“ кое го користеле девојките на возраст од 19, 30 и 42 години.

Тие се осомничени дека упаднале во станот. Се знае дека успеале да го извадат сефот од станот, да го отворат и да го испразнат. Во возилото во кое бегале е пронајдена алатка за кражба, како и вреден накит, за кој се сомнева дека бил украден од сефот.

Според германските медиуми, сопственикот на станот сè уште не успеал да го докаже потеклото на накитот што бил пронајден кај крадците.