Трета титула за Шкендија
Екипата на Шкендија ја одбрани шампионската титула во Првата фудбалска лига, во 32. коло, како гостин го совлада Работнички со 0:1, додека големиот ривал, Вардар ремизираше на гости кај Шкупи.
На четири кола до крајот на сезоната, Шкендија има 72 бода, дури 13 повеќе од второпласираниот Вардар.
Голот вреден трета шампионска титула, и втора едноподруго, го постигна Енур Тотре во 90 минута.
Вардар со голот на Дарко Мицевски во 88 минута се спаси од пораз на гостувањето кај Шкупи.
Екипата на Беласица продолжува со добрите игри во последно време, пред своите гледачи со 3:1 ја победи Македонија ЃП и ги задржа шансите за опстанок во првата лига. Струмичани во последните четири кола ќе водат грчевита битка за опстанок со Силекс, кој исто така имаше сигурен настап.
„Кратовчани“ ја совладаа Академија Пандев со 3:0, додека отпишаната Победа доживеа вистински дебакл, губејќи со 9:1 од Ренова.
Резултати:
Силекс – Академија Пандев 3:0
Шкупи – Вардар 2:2
Ренова – Победа 9:1
Работнички – Шкендија 0:1
Беласица – Македонија ЃП 3:1.
Табела:
1. Шкендија 72 бода
2. Вардар 59
3. Академија Пандев 53
4. Шкупи 43
5. Ренова 42
6. Работнички 39
7. Македонија ЃП 38
8. Силекс 37
9. Беласица 34
10. Победа 23