Американскиот претседател Доналд Трамп во четвртокот даде рок од 10 дена за одлука дали ќе продолжи со дипломатија со Иран или ќе нареди воен удар, објави „Аксиос“.

– Можеби ќе треба да одиме чекор понатаму, а можеби и не. Можеби ќе постигнеме договор (со Иран, н. з.). Ќе дознаете во следните, веројатно, 10 дена – рече Трамп за време на состанокот на Одборот за мир за Газа во Вашингтон.

Американски и израелски функционери за „Аксиос“ претходно изјавија дека евентуална воена операција против Иран најверојатно би била масовна кампања што би траела со недели и би можела да започне во наредните денови.

Трамп во средата ги собра своите најблиски советници на состанок посветен на кризата со Иран.

Напредок има, но договор не е на повидок, објави Иран по нуклеарните разговори со САД

Претседателот бил информиран за нуклеарните разговори што се одржале претходно оваа недела во Женева, а групата разговарала за следните чекори.

Трамп во четвртокот изјави дека разговорите поминале добро, но нагласи дека Иран мора да постигне „суштински договор, во спротивно ќе следуваат лоши работи“.

Американски функционер изјави дека Иранците треба да се вратат кај администрацијата на Трамп до крајот на месецот со пакет конкретни чекори што ќе одговорат на загриженостите на САД, изнесени во Женева, во врска со нивната нуклеарна програма.

Американски функционери додаваат дека пристигнувањето на носачот на авиони „УСС Форд“ и неговата ударна група во источниот Медитеран во наредните денови ќе биде клучен фактор за тајмингот на евентуална воена кампања против Иран.

Германија ги повлекува своите војници од Ирак, тензиите растат откако Трамп му се закани на Иран