Американскиот претседател Доналд Трамп денеска објави дека Вашингтон ќе ги укине санкциите воведени врз Турција во 2020 година, откако Анкара купи руски ракети С-400 во 2019 година. Трамп изрази подготвеност да ѝ продаде борбени авиони „Ф-35“ на Турција, објави „Ројтерс“.

„Ќе ги укинеме санкциите“, им рече Трамп на новинарите во Анкара, пред средбата со турскиот претседател Реџеп Таип Ердоган.

Зборувајќи за можноста за продажба на борбени авиони „Ф-35“, Трамп рече:

„Турција е, во многу погледи, полојална од другите земји за кои би помислиле дека се лојални. Тоа е одличен авион, најдобар“.

Според американскиот закон, Турција не може да има ракети С-400 ако сака борбени авиони „Ф-35“.

Премиерот на Израел, Бенјамин Нетанјаху, вчера побара од Соединетите Американски Држави да не ѝ продаваат на Турција авиони-ловци „Ф-35“, за да не се наруши балансот на силите во регионот.

Нетанјаху бара од Трамп да не ѝ продава авиони „Ф-35“ на Турција: „Режимот е заразен од Муслиманско братство“