Милијардерот Илон Маск ја изрази својата „поддршка за народот на Венецуела“, а неговата компанија „Старлинк“ објави дека ќе обезбеди бесплатен широкопојасен интернет во државата во следните 30 дена, пренесуваат медиумите.

Ова се случува откако вчера, во блиц-напад на американската војска, беше онеспособена одбраната на Венецуела, а претседателот Николас Мадуро и неговата сопруга беа уапсени и одведени во САД за да им се суди.

Во објава на „Икс“, Маск напиша „Во поддршка на народот на Венецуела“ и објави порака од „Старлинк“ во која ја опишува иницијативата.

Компанијата наведува: „Старлинк им обезбедува бесплатна широкопојасна услуга на луѓето од Венецуела до 3 февруари, обезбедувајќи непрекината поврзаност“.

Во други објави, Маск му честиташе на американскиот претседател за успешната акција и го поздрави „доаѓањето на слободата“ за народот на Венецуела.

Врховниот суд на Венецуела вчера ѝ наложи на потпретседателката Делси Родригез да ги преземе овластувањата и должностите на претседателот, откако САД насилно го отстранија Мадуро.

Во наредбата на Судот, објавена доцна синоќа, се заклучува дека Мадуро е „материјално и привремено неспособен да ги извршува своите функции“.

Родригез ќе ги „преземе и ќе ги извршува, како вршител на должноста претседател, сите овластувања, должности и способности својствени за функцијата претседател на Боливарската Република Венецуела, со цел да се гарантира административен континуитет и сеопфатна одбрана на нацијата“.

Венецуелката Марија Корина Мачадо ја доби Нобеловата награда за мир за 2025 година