Првите луѓе на Тотенхем и Баерн никако да постигнат договор околу трансферот на Хари Кејн во редовите на баварскиот гигант. Англискиот репрезентативец има договор со Тотенхем до 30 јуни следната година, не сака да го продолжи, па логично е сега да ја смени средината.

Пред еден месец се чинеше дека Баерн е неговиот нов клуб, но газдата на премиерлигашот Леви ги одбива понудите на Баерн, барајќи само нешто повисоки од нив. Не се знае дали Баерн повеќе има трпение за него. Не е невозможно да се сврти кон други решенија, иако Кејн изрази голема желба да го облече дресот на германскиот шампион.

Леви по којзнае кој пат се покажа како тежок преговарач. Долго време Тотенхем бараше 100 милиони евра за својот ас, па кога го добија ја зголемија сумата на 105 милиони. Тоа го прифати и Баерн, а потоа цената се зголеми на 110 милиони. Сосема е чудно што клубот од Минхен го прифати овој нов „рингишпил“ на Тотенхем, па се согласи на трансфер за 110 милиони, но клубот од Лондон сега бара 115 милиони евра.

Ситуацијата околу Кејн ја следат и ПСЖ и Манчестер јунајтед, а многу е можно Леви со упорното одбивање да го „принуди“ Баерн да испрати понуда од 125 милиони која најверојатно би била прифатена.

Искусниот напаѓач постигна рекордни 280 голови во 435 настапот за Тотенхем. Тој е и рекордер на репрезентацијата на Англија со 58 голови во 84 натпревари.