Топлотниот бран во Северна Америка однесе 100 животи, измерени рекордни 46 степени
Повеќе од 100 смртни случаи во северозападна Северна Америка се поврзани со топлотниот бран, соопштија денеска официјални лица од американските држави Орегон и Вашингтон, како и канадска Британска Колумбија.
Официјални лица од Орегон соопштија дека најмалку 63 лица во таа држава починале поради екстремно високите температури.
Највисоката температура некогаш измерена во Канада од 47,9 степени Целзиусови е регистрирана во градот Лејтон, Британска Колумбија.
Метеоролошката организација на ОН соопшти дека екстремната топлина е предизвикана од „атмосферската блокада“ и дека температурите оваа недела веројатно ќе бидат највисоки на крајбрежјето, а потоа ќе се преселат во внатрешноста на Британска Колумбија и подоцна на исток кон Алберта.
Екстремните температури го зголемија и стравот од пожари, а американскиот претседател Џозеф Бајден вети дека сушните области ќе добијат поголема помош од сојузната влада поради опасност од пожари.