По речиси 30 години во Холивуд, Том Хенкс има четири филмови кои ги смета за прилично добри.

Оскаровецот, кој глумеше во бројни филмови од „Forrest Gump“ до „Elivs“, го најави својот претстоен роман „The Making of Another Major Motion Picture Remekpiece“ што ќе излезе на 9 мај 2023 година.

Книгата е измислена приказна за создавањето на филм за суперхерои вреден повеќе милиони долари и создавањето на стрипот што го инспирирал.

„Никој не знае како се прави филм – иако сите мислат дека знаат“, изјави Хенкс за „People“. „Снимив еден куп филмови (и четири од нив се прилично добри, мислам) и сè уште сум изненаден од тоа како се спојуваат филмовите. Од треперењето на идејата до треперењето на сликата на екранот, целиот процесот е чудо“, додаде тој.

Хенкс истакна дека снимањето филмови е многу напорна работа во текот на многу долг временски период кој се состои од толку многу моменти на радост наспроти еднаков број чувства на омраза кон себеси.

Том Хенкс претходно изјави дека идејата за потенцијално продолжение на „Forrest Gump“ згаснала речиси веднаш по успехот на првиот филм, кој најверојатно е на неговата листа од четирите прилично добри филмови кои ги спомна актерот.