Видеото кое се појави деновиве, на кое се гледа како украински бранител е погубен од руските војници откако извикува „Слава на Украина!“, предизвика многу внимание во Европа, но сега се потврдува дека идентитетот на убиениот војник бил погрешно претставен во објавите на социјалните мрежи.

Се покажа дека се работи за Олександр Мацевски, украински војник од Нижин во регионот Черниховск. Ова го соопшти Северниот регионален оддел на силите за територијална одбрана на вооружените сили на Украина на Фејсбук, според украинските медиуми.

И рускиот независен портал „Медуза“ известува за пресврт во однос на идентитетот на војникот.

„Војникот од видеото што се појави на социјалните мрежи на 6 март, на кое се гледа егзекуција на украински војник додека ја пуши својата последна цигара и студено му вели „Слава на Украина!“ на рускиот убиец или убијци, е украински борец од 163-ти баталјон на 119-та сепаратна Олександар Мацијевски од бригадата за територијална одбрана на регионот Чернихив“, пишува „Медуза“.

Претходно беше соопштено дека станува збор за човек по име Тимофеј Шадура, кој исчезна во февруари.