Тиквеш ќе ја започне европската авантура во првото коло од ЕХФ Европскиот куп, а за противник го доби луксембуршкиот тим Еш. Кавадарчани првиот натпревар ќе го одиграат на домашен терен на 12 или 13 септември, додека реваншот во Луксембург е закажан една недела подоцна.

Во второто коло од ова натпреварување ќе се приклучат Охрид, Алкалоид и Бутел. Охриѓани и Алкалоид имаат дополнителен мотив, бидејќи се последните два победници на Европскиот куп.

Кај дамите, Вардар во второто коло од женскиот Европски куп ќе се соочи со италијанскиот Бриксен Судтирол. Првиот дуел ќе се игра во Италија, а реваншот во Скопје. Чаир, пак, директно ќе се вклучи во третото коло.

Македонскиот шампион Ѓорче Петров го дозна противникот во квалификациите за Европската лига на ЕХФ. Скопјанки ќе играат против чешки Баник Мост, а првата средба ќе биде во Чешка, додека реваншот во Скопје.

Охрид го врати Ивановски во своите редови