Состојки:

500 грама макарони

200 грама маринирани печурки

300 грама димено свинско месо

1/2 кесичка крем-супа од печурки

1 мала павлака

200 грама кашкавал

сол, масло за јадење, оригано

Подготовка:

Во тенџере ставете вода и сол и почекајте да зоврие. Откако водата ќе почне да врие, ставете ги макароните да се варат околу 5 минути.
Додека чекате да омекнат, во тавче ставете масло и во него пропржете ги заедно печурките и дименото свинско месо. Откако ќе заруменат, ставете ја павлаката и потребните зачини и  оставете ги заедно пет минути да се динстаат.
Кога макароните ќе се сварат, исцедете ги од водата и ставете ги во садот во кој планирате да ги печете.
На страна, во чаша, разматете ја смесата од крем-супата и додајте ја во макароните, потоа додајте ја и смесата со печурки и павлака. Убаво измешајте  и ставете ги да се печат во претходно загреана рерна на температура од 200 степени околу 10 минути.
Пред крај, одозгора изрендајте кашкавал и вратете ги макароните да се допечат. Оставете ги во рерна само 1 до 2 минути, односно онолку време колку што е потребно за да се растопи кашкавалот.