Во раните прогнози на стручната јавност, Португалија е означена како жариште на коронавирусот и земја која ќе биде опустошена од епидемијата, но времето ги демантираше стручите прогнози, зошто со нешто повеќе од 38 илјади потврдени случаи и 1.1524 смртни исходи Португалија е земја со најмала смртност и најмал број на хоспитализации по глава на жител во ЕУ.

Ова го соопшти Универзитетот Џонс Хопкинс во Вашинтон, а пренесува Си Ен Ен, а една од причините за релативниот успех на Португалија во борбата со смртносната епидемија би можел да биде користењето стероиди во терапијата на пациенти со тешка клиничка слика.

Најновите истражувања на британскиот Универзитет во Оксфорд покажаа дека користењето стероиди како дексаметазон во терапијата на тешки воспаленија на белите дробови може да ја намали смртноста кај хоспитализираните пациенти.

И СЗО вчера соопшти дека користењето стероиди во терапијата на пациенти исфицирани со коронавирус би можело да биде значаен исчекор во лекувањето на ковид-19.

Во меѓувреме, во лисабонскиот Универзитетски клинички центар лекарите веќе со месеци користат терапија со стероиди, тврди началникот на одделението за интензивна нега Нуњо Германо.

– Со примена на кортикостероиди, т.н. кортико-терапија забележавме подобрување на општата состојба на пациентите веќе после 3 дена и значајно опоравување на респираторните функции. Вештачкото вентилирање на пациентите кај не надминува 10 до 11 дена, посочува португалскиот лекар.