Тага во Италија: Почина Маурицио Ѕампарини, поранешниот претседател на Палермо
Екс првиот човек на Палермо чии бои претходно ги бранеа македонските фудбалери Илија Несторовски и Александар Трајковски, Маурицио Ѕампарини почина на 81-годишна возраст.
Клубот од Сицилија за време на неговиот мандат ги доживеа најсветлите моменти во својата историја. Екипата беше стабилен член во италијанската Серија А, успеа да стигне и до УЕФА натпреварувањата.
А благодарение на Ѕампарини беа реализирани големи трансфери како Пауло Дибала во Јувентус, Единсон Кавани во Наполи и Хавиер Пасторе во ПСЖ.
Пред Палермо, Ѕампарини ја водеше Венеција која ја спаси од банкрот, а по него банкротира и познатиот клуб од Сицилија.
Клубот основан во 1900 година имаше проблеми по заминувањето на Ѕампарини, поради малверзации, на Палермо му беа одземени 20 бода во сезоната 2018/2019 и беше исфрлен во Серија Д.