Табадоа: Е. Пелистер е добар проект за мене, сакам да и помогнам на екипата да освојува титули
Екипата на Еурофарм Пелистер ги започна подготовките за новата сезона, а меѓу новите ракометари се наоѓа и Кубанецот Реине Табадоа.
Табадоа смета дека настапите за Е. Пелистер ќе претставуваат одлична можност тој да се дефинира како ракометар и да му помогне на клубот да освојува титули.
– Еурофарм Пелистер е клуб кој напредува постојано. Беше второпласиран во домашниот шампионат минатата сезона. Ова е добра шанса за мене да се дефинирам како ракометар и да помогнам екипата да се искачи на првото место и да освојува титули.
Сакам да играм „еден на еден“, ја користам мојата физичка сила. Но, интелегентен сум и ја „читам“ играта, го „читам“ натпреварот. Исто така шутирам од далечина. Гледав некои европски натпревари на Еурофарм Пелистер, како и дерби натпреварите против Вардар 1961 во домашната Суперлига. Ми оставија добар впечаток и ова е добар проект за мене. Ми се допаѓа екипата – вели Табадоа.