Светските лидери се обединија: Во Портсмут одбележан „Денот Д“
Денеска петнаесет светски лидери присуствуваа на церемонијата во Портсмут, со која се оддава почит на учесниците во најголемата копнено-воздушно-поморска инвазија во историјата, која помогна да се стави крај на Втората светска војна.
Доналд Трамп, кој е во посета на Велика Британија. им се придружи на кралицата Елизабета Втора и на 300 ветерани од Втората светска војна на одбележувањето на 75-годишнината од почетокот на сојузничкиот десант на Нормандија
Кралицата, принцот Чарлс, претседатели и премиери, вклучувајќи ги Ангела Меркел, Емануел Макрон и Џастин Трудо, со стоечки овации ја поздравија групата ветерани, чии одела беа натежнати од медали и ордени.
-Се обединивме овдека за да им оддадеме почит на оние чии храброст и пожртвуваност на плажите на Нормандија направија пресвртница во Втората светска војна. Се колнеме дека никогаш нема да го заборавиме долгот кон нив. Нивните солидарност и посветеност кон одбраната на нашата слобода остануваат лекција за сите нас – изјави британската премиерка Тереза Меј.