Бојан Миовски е нашиот најефикасен напаѓач на клупски план. Два гола Миовски за Абердин постигна и за викендот со што дојде до бројката од седум гола во шкотската Премиер лига.

Македонскиот напаѓач е помеѓу најдобрите стрелци во Шкотска, второто место го дели со Кијого Фурухаши , пред него е само Антонио Чолак од Ренџерс со еден гол повеќе. Кога вака ја започна сезоната Миовски не крие дека неговата цел е да биде најдобар стрелец во Шкотска.

„Целта ми е да бидам најдобар стрелец во Шкотска. Секој напаѓач сонува за такво нешто, постигнувањето голови ве турка напред. Стилот на игра на Абердин ми се допаѓа, ги анализирав пред да дојдам и очекував да постигнувам голови тука. Играме офанзивно со многу напади, а тоа секако ми одговара“.

После само неколку одиграни кола тој стана вистински миленик на навивачите. Во текот на натпреварите се скандира неговото име, а му посветија и песна.

„Навивачите ми се огромна мотивација, уживам во односот со нив. Се надевам дека ќе продолжам да ги радувам. Убаво е да сте помеѓу најдобрите стрелци, постигнав два на овој натпревар, можев уште некој од шансите кои ги имав, но и патував многу“, изјави Миовски по натпреварот.

Миовски беше дел од репрезентација во последниот квалификациски циклус во кој игравме против Грузија и Бугарија, од првата минута ги стартуваше и двата на натпревари, но не се запиша во листата на стрелци.