Луис Суарез моментно се наоѓа во Уругвај каде што има репрезентативни обврски и воедно имаше интервју за тамошниот „Овасион“ во кое ги откри плановите за иднината и неговата сегашна ситуација во Барса.

Наскоро ќе наполни 33 години и дека влегува во последните години на својата фудбалска професионална кариера, но се надева дека ќе добие шанса за настап на Светското првенство 2022 година во Катар.

– Не е лесно да се игра за Барселона, а особено не е лесно да се игра пет години по ред. Барањата се страшно високи, секои три дена поминувате низ тестови, нема одмор и не ви „простуваат“ лоши натпревари. Ќе дојде време кога ќе морам да си заминам од Барселона, но додека можам да играм и имам конкуренција, ќе бидам добар – рече Суарез.

Сезонава во дресот на каталонскиот клуб во шпанската „Ла Лига“ има 10 натпревари и шест голови. Пред да се пресели на „Камп Ноу“, четири сезони ги бранеше боите на Ливерпул, четири во Ајакс, по една во Гронинген и Насионал.

Моментно важечкиот договор со Барселона му истекува на 30 јуни 2021 година, со вредност од 50 милиони евра според „Трансфермаркт“.