24.8 C
Скопје

Струга Трим Лум го испрати Вардар во Втората лига

Денеска се одиграа натпреварите од 31 коло во Првата македонска лига, од следната сезона во понизок ранг ќе оди најтрофејниот клуб во нашата земја, екипата на Вардар.

За тоа се погрижија играчите на Струга Трим Лум кои минимално со резултат 1:0 триумфираа против скопските „црвено-црни“. Единствениот гол за стружани го реализираше Алтипармаковски во 67 минута од средбата.

Во другите мечеви, новиот шампион Шкендија како гостин во најинтересниот дуел славеше над Македонија ЃП (3:4).

Во првото полувреме за 0:2 се погрижи Ибраими кој двапати се запиша во листата на стрелците, а „лавовите“ од Ѓорче за период од четири минути израмнија преку Фазли и да Силва.

Елези ја враќа предноста на тетовскиот клуб на стартот од вториот дел, за нов егал се погрижи Божиновски (83`), а конечниот епилог го постави Алими (90+1`).

Мируваа мрежите на дуелот Шкупи-Пелистер, а тимот на Академија Пандев со погодоците на Паноски во втората и Крстовски од пенал во 14 минута беше подобар од Беласица во струмичката пресметка.

Со истиот резултат Борец ја совлада Ренова, за „гипсарите“ стрелаа Мишов и Баса, а во последниот натпревар Работнички со 3:1 го надигра Силекс.

Иако кратовци дојдоа први во водство со голот на Штерев, „романтичарите“ го направија пресвртот благодарение на Станковски, Тодоровски и Ѓурѓевиќ.

Табела: Шкендија 74 бодови, Шкупи 58, Струга Трим Лум 54, Македонија ЃП 52, Работнички 47, Пелистер 42, Борец 40, Академија Пандев 38, Силекс 36, Ренова 35, Вардар 31, Беласица 17.

Фото: fkvardar.mk

Поврзани вести

Франција има една победа на ЕП, но и натаму е најголем фаворит за шампионската титула!

Слободен печат

Класика на „Вембли“: Ги дознавме сите осминафинални двојки на Европското првенство!

Слободен печат

ВИДЕО: Германија „преживеа“ во Минхен, Роналдо е синоним за рекорди!

Слободен печат

Клуб од шпанската „Ла Лига“ со интерес за Дарко Велковски!?

Слободен печат

Ја победија само Македонија – Украинците се најголемите „среќници“ на Евро 2020!

Слободен печат

ВИДЕО: Ѓоковиќ „гази“ и во двојки, крај за првите носители на турнирот во Мајорка!

Слободен печат

Остави Коментар