– Стилот не е само парче облека. Тој е дефиниција по која ја паметиме една личност. Токму поради овие нешта, многу ми се допаѓа стилот на Олга. Единствена и препознатлива, Костовска со својот стил, на еден мошне интересен начин, гради култура од својата личност околу нејзината претстава во јавноста. Не е важна пригодата, таа е секогаш своја, па дури и кога оди да ја среди својата фризура.

Мојот впечаток е дека преку нејзиниот стил може да го препознаете и нејзиното расположение, но и пораката, која таа сака да ја долови. Безвременска женственост е одликата која зрачи од секое нејзино појавување. Олга точно знае да го истакне она што го поседува, крупните очи, беспрекорно уредената фризура, дури и кога одбира лежерни изданија, а личната визура ја надополнува со нејзината прекрасна насмевка.

Начинот на кој ја носи облеката говори дека станува збор за личност која точно знае што сака. Силна и сензуална, префинета и уникатна, храбра со прецизна замисла за реализација на нејзините идеи, вели Чадиковска.