Повторно и овој јануари Македонија ќе живее во духот на ракометот. Единаесетта година по ред Македонија е дел од голем ракометен настан, сега момците предводени од Кире Лазаров ги чека настапот на Светското првенство во Полска и Шведска.

Во првиот натпревар на патот ни стои силната Норвешка која е и една од репрезентациите фаворити за највисок пласман. Ние ќе се спротиставиме со подмладена репрезентација каква што сме немале во последние 20 години.

Ракометните експерти најавуваат дека токму младоста и брзата игра можат да бидат наш главен адут. На пријателските натпревари пред Светското првенство игравме брз и модерен ракомет со многу голови. Нападот беше одличен против Хрватска и Израел постигнавме повеќе од 70 голови. Треба да се знае дека и во подготовките бевме без Филип Талески и Никола Митревски за кои се очекува да бидат едни од нашите најважни играчи на овој Мундијал.

Кога е Норвешка во прашање тие добија добра вест со тоа што Сандер Сагосен ќе биде спремен за настап. Во Кил Сагосен заработи тешка повреда и првичните информации беа дека ќе го пропушти овој голем настан, сепак тој е на располагање на селекторот. Тука се уште Рајнкид исто така од Кил, Јоханесен и Род од Флензбург, О’Саливен од Магдебург…

Нема дилеми дека Норвешка ја има фаворитската улога, меѓутоа ние сигурно нема да излеземе со „бело знаме“ и ќе се обидеме да изненадиме.

Натпреварот се игра вечерва од 20:30 часот и ова е единствениот натпревар за нас во оваа прва фаза од овој термин. Следните два натпревари во недела (Холандија) и вторник (Аргентина) ги играме од 18:00 часот.

Стојановиќ: Македонија има квалитет да се надигрува со секој противник на Мундијалот