Стартува новата сезона во АБА 2 лигата, овој пат на МЗТ Скопје друштво му прави Пелистер 

МЗТ Скопје и Пелистер се македонски претставници во АБА 2 лигата оваа сезона/ фото: КФСМ

Со вечерашниот натпревар на МЗТ Скопје против Младост Земун (18 часот), македонските екипи ја започнуваат новата сезона во АБА 2 лигата.

Покрај освојувачот на двојната круна, Македонија во регионалното натпреварување ќе има уште еден претставник, тоа е екипата на Пелистер која своето деби ќе го има утре против Ловќен. Мината сезона покрај МЗТ Скопје, учествуваше екипата на Работнички. 

И новата сезона ќе се игра „турнирски“, односно регуларниот дел ќе се одигра на неколку турнири, првиот домаќин е Златибор каде ќе се одиграат првите три кола. Вториот турнир ќе се игра во Осиек (8.11-12.11), третиот во Сараево (12.12-19.12), домаќин на четвриот турнир ќе биде Бања Лука (17.1 2022 – 23.1 2022), додека последниот турнир ќе се игра во Широки Бријег (21.3 2022-27.3 2022), по што ќе следува разигрувањето за титулата.

Прв противник на „металците“ е екипата на Младост (18 часот),овие две екипи играа меѓу себе и минатата сезона во АБА лигата и тоа во четвртфиналето од плеј-офот. Првиот натпревар заврши со триумф на Младост од 95:75, додека МЗТ Скопје славеше во вториот дуел со 92:86 но тоа беше недоволно за пласман во полуфиналето од плеј-офот.

Видео на денот